Josemaría Escrivá Obras
 
 
 
 
 
 
  Bidea > Jaungoikoaren aurrean > Cap 11
265

Umeak… Nola saiatzen diren duintasunez jokatzen gurasoen aurrean daudenean!

Eta Erregeen umeak, beren aita Erregearen aurrean, nola ahalegintzen diren erregetzari dagokion duintasuna gordetzen!

Eta zuk… ez al dakizu Errege Handiaren, zure Aita Jaungoikoaren aurrean zaudela beti?


266

Ez ezazu erabakirik hartu Jaungoikoaren aurrean arazoa gogartu gabe.


267

Beharrezkoa da Jaungoikoa beti gure ondoan dagoela buruan sartzea. —Jaungoikoa urruti, izar distiratsuen lekuan egongo balitz bezala bizi gara, eta ez dugu pentsatzen gure ondoan ere dagoela beti.

Eta gainera, Aita maitekor baten antzera dago —guretako bakoitza, munduko ama guztiek beren umeak maita lezaketen baino gehiago maite gaitu—, laguntzen, argitzen, bedeinkatzen… eta barkatzen.

Zenbatetan, bihurrikeriaren bat egin ondoren, ez ote dugu gure gurasoen kopetiluna lasaiarazi, esanaz: ez dut gehiago egingo! —Agian, egun hartan bertan erori ginen berriro… —Eta gure aitak, itxurak eginez, ahotsa gogor, aurpegia zorrotz, errieta egiten digu…, aldi berean gure ahultasunaz jabetuta bihotza samurtzen zaiolarik, pentsatuz: mutiko gaixoa, nola ahalegintzen den ongi jokatzeko!

Beharrezkoa da benetan sinestea, erabat honetaz jabetzea: gure ondoan eta zeruetan dagoen Jauna gure Aita dela, eta guztiz Aita dela.


268

Ohitu zaitez egunero zure bihotzaJaungoikoarengana askotan altxatzen,eskerrak emanez. —Hau eta hori ematen dizuako. —Arbuiatu zaituztelako. —Behar duzuna ez daukazulako edo badaukazulako.

Bere Ama, zure ama ere dena, hain ederra egin zuelako. —Eguzkia eta Ilargia egin zituelako, eta animalia hura, eta beste landare hura ere bai. —Gizon hura hiztun jori egin zuelako eta zu, berriz, urri…

Denagatik emazkiozu eskerrak, dena ona baita.


269

Ez zaitez hain itsu edo burugabea izan, Jaunaren etxeen horma edo dorreak ikustean, Sagrario bakoitzaren barruan ez sartzeko. —Bera itxaroten daukazu.

Ez zaitez hain itsu eta burugabea izan, Kristo iraintzen duten lekuetatik pasatzean, Maria Sortzez Garbiari jakulatoria bat behintzat ez errezatzeko.


270

Ez al zara pozten zure ohiko bidea egitean hiriko kaleetan zehar, beste Sagrario bat aurkitu baduzu?


271

Otoitz arima batek honela zioen: asmoetan, izan dadila Jesus gure helburu; nahietan, gure Maitasun; hizketan, gure gai; egintzetan, gure eredu.


272

Beti Jaungoikoaren aurrean bizitzeko, erabil itzazu aholkatu nizkizun «giza maina» santu haiek: jakulatoriak, Maitasun eta ordain egintzak, gogozko jaunartzeak, Ama Birjinaren irudiari «begiradak»…


273

Bakarrik! —Ez zaude bakarrik. Urrutitik laguntza handia egiten dizugu. —Gainera…, grazian daukazun ariman ezarririk, Espiritu Santua —Jaungoikoa zurekin—, naturaz gaindiko kutsua ematen ari zaie zure gogoeta, gurari eta egintza guztiei.


274

«Aita —esaten zidan mutil handikotehark (zer egin ote du?), Madrilgo Unibertsitateko ikasle on zenak—, zuk esan zenidana pentsatzen ari nintzen… Jaungoikoarenseme naizela!, eta kalearen erdian, gorputza tente eta barrua harro sentitu nituen ustekabean… Jaungoikoaren seme!».

Kontzientzia ziurrez, «harrokeria» sustatzea aholkatu nion.


275

Zure zintzotasunaz ez dut zalantzarik. —Badakit Jaungoikoaren aurrean diharduzula. Baina, hau da koxka!: gizabidez neurtzen duten gizonek ikusten dituzte edo ikusi ahal dituzte zure egintzak … Eta jarraibide ona eman behar zaie.


276

Astean behin gutxienez, Jesusengana joateko, Mariarekin bat egiteko ohitura hartzen baduzu, ikusiko duzu nola Jaungoikoaren aurrean zaudela biziroago ohartuko zaren.


277

Galdetzen didazu: zergatik zurezkoGurutze hori?. —Eta eskutitz batetikkopiatzen dut: «Mikroskopiotik begiak altxatzean, Gurutze beltz eta hutsa topatzen dut. Gurutziltzaturik gabeko Gurutze hori ikur bat da.Badu besteek aurkituko ez dioten esanahirik. Eta, nekaturik, bere eginbeharra bertan behera uzteko zorian zegoen hark, begiak okularrera berriro hurbilduz, lanean jarraitzen du: zeren Gurutze bakartia, bera gainean hartuko duen bizkar baten eske baitago».


278

Jaungoikoaren aurrean bizi zaitez eta grazi bizitza izango duzu.


[Inprimatu]
 
[Bidali]
 
[Palm]
 
[Gorde]
 
-ri itzuli puntua:
Aurrekoa Hurrengoa