Josemaría Escrivá Obras
 
 
 
 
 
 
  Bidea > Eliza > Cap 22
517

«Et unam, sanctam, catholicam et apostolicam Ecclesiam!…» —Ulertzen zaitut, astiro-astiro otoitz egiten duzunean, ahogozatuz: Elizan sinesten dut, Bakar, Santu, Katoliko, Apostolikoan…


518

Bai poza nirea, bihotz-bihotzez esan ahal izatea: maite dut nire Ama Eliza Santua!


519

Oihu hau —«serviam!»— Jaungoikoaren Eliza zintzo-zintzo «zerbitzatzeko» borondatea da, baita ondasuna, ohorea eta bizitza kostata ere.


520

Katoliko, Apostoliko, Erromatar! —Oso erromatar izan zaitezen gustatzen zait. Baita ere zure «erromesaldia», «videre Petrum», Pedro ikustera, egiteko gogoa izan dezazun.


521

Bai bihozbera Kristo bere Elizari Sakramentuak uztean! Premia bakoitzaren erremedio dira.

—Gurtu itzazu eta eskerronekoa izan zaitez Jaunarekin eta bere Elizarekin.


522

Elizaren Liturgia Santua eta elizkizun bereziak gurtu eta errespeta itzazu. —Zintzo bete itzazu. —Ez al duzu ikusten gizaki gaixook gauzarik handienak eta nobleenak ere zentzuen bidez gureganatu behar izaten ditugula?


523

Elizak kantatu egiten du —esana da—, hitz hutsak ez bailirateke nahikoa otoitz egiteko. —Zu, kristau —eta kristau aukeratua gainera—, liturgikoki kantatzen ikasi behar duzu.


524

Kantatzeari ekin behar zaio!, esaten zuen arima maitemindu batek, Jaunak, bere apaiz lanaren bidez egiten zituen gauza harrigarriak ikusita.

—Eta aholku bera ematen dizut nik: kanta ezazu! Gainezka egin dezala doinuz zure Jaungoikoaganako zoramen eskertsuak.


525

«Katoliko» izatea Aberria maitatzea

da, maitasunean aurrea hartzen inori utzi gabe. Eta, aldi berean, herri guztien ahalegin nobleak nireak bailiran hartzea. Frantziaren hainbeste aintza, nireak ditut! Eta, era berean, aleman, britainiar, italiar…, amerikar, asiar eta afrikarren hainbat pozgarri, nire pozgarriak dira.

—Katoliko!: bihotz handi, espiritu zabal.


526

Apaizgoari eta erlijiosoen bizibideari begirune handirik ez badiezu, ez da egia Jaungoikoaren Eliza maite duzunik.


527

Betanian, Simon legendunaren etxean, Maisuaren burua urrin garestiz igurtzi zuen emakume hark Jaungoikoaren kultuan eskuzabal izan behar dugula gogoratzen digu.

—Luxu, handitasun eta edertasun guztiari ere gutxi deritzot.

—Eta ontzi sakratu, eliz jantzi eta erretaulen aberastasuna erasotzen dutenen aurka, Jesusen goraipamena entzuten da: «opus enim bonus operata est in me» —egintza ona egin du nire alde.


[Inprimatu]
 
[Bidali]
 
[Palm]
 
[Gorde]
 
-ri itzuli puntua:
Aurrekoa Hurrengoa