Josemaría Escrivá Obras
 
 
 
 
 
 
Bidea Bidea > Sinopsis  
”Camino”, Josemaría Escrivá-k 1925ean hasi zuen apaiz-zereginaren emaitza, 1934an argitaratu zen lehen aldiz Cuencan (Espainia), “Consideraciones Espirituales" izenburuarekin. Hurrengo edizioan, -Valentzian egina 1939an- liburuak, nabariki handitua, behin betiko izenburua hartu zuen. Ordutik hona hedatu egin izan da, erritmo iraunkor eta jarraikakoan. Gaur egun, “Camino” liburuaren 4.500.000 ale inguru argitaratu dira 43 hizkuntzatan.

”Camino” liburuaren estiloa zuzena da, elkarrizketa barezkoa. Izan ere, irakurlea, konfiantza eta adiskidetasun giroan dago goi-eskakizunen aurrean. Italian argitaratu zenean, “L'Osservatore Romano”k komentatu zuen: "Escrivá de Balaguer Monsignoreak, maisu-lan bat baino gehiago idatzi du, bihotzean zuzenean oinarrituz idatzi du eta bihotzera iristen dira, zuzen eta banan-banan, “Camino” liburuko lerrokada guztiak."


Poliki irakur itzazu aholku hauek. Gogapen hauek astiro gogartu. Belarrira esaten dizkizudan gauzak dira, adiskide, anaia, aita baten bihotza zabalduz. Eta nire barne-barnetiko hitz hauek Jaungoikoak entzuten ditu. Ez dizut ezer berririk esango. Zure oroimenei eragingo diet, zaurituko zaituen burutapenen bat zure baitan sor dadin: eta horrela zure bizitza hobetu eta otoitz eta Maitasun bideetan sar zaitezen. Eta irizpidedun arima izatera irits zaitezen.