Puntuen zerrenda

Nahimena. —Adorea. —Eredua. —Egin behar dena, egin bedi… Zalantzarik gabe… Begiramendurik gabe…

Bestela, Cisneros ez litzateke Cisneros izango; ez Ahumadako Teresa, Santa Teresa…; ezta Loiolako Iñigo, San Ignazio…

Jaungoikoa eta ausardia! —«Regnare Christum volumus!».

Jakintsu…, buruzagi…, ausarta izateko… gogo bizian zaude.

Ederki, ederki. —Baina… Kristogatik, Maitasunagatik.

Jaungoikoa eta ausardia! —Ausardia ez da zuhurgabetasuna. —Ausardia ez da ausarkeria.

Ez eskatu bakarmena Jesusi zure erruengatik bakarrik: ez ezazu maita zure bihotzez bakarrik…

Egin dizkioten, egiten dizkioten eta egingo dizkioten irain guztiak ordain iezazkiozu…, gehienik maite izan duten gizon-emakume guztien bihotzen indar guztiz maita ezazu.

Ausarta izan zaitez: esaiozu Berarengatik Magdalako Maria, Teresa eta Teresatxo… baino zoratuago zaudela; burutik jota zaudela Agustin, Domingo eta Frantzisko, Ignazio eta Xabier baino gehiago ere.

Are eta ausartago izan zaitez eta, zerbait behar duzunean, beti «Fiat» batetik abiaturik, ez ezazu eska: esazu «Jesus, hau edo bestea nahi dut», horrela eskatzen baitute haurrek.

Ez ardurarik izan. «Zuhurrek» beti erokeria deitu izan diete Jaungoikoaren egintzei.

—Aurrera, ausarki!

Esazu: Ene Ama —zurea, zu berea baitzara arrazoi askorengatik—, zure maitasunak lot nazala zure Semearen Gurutzera: ez dakidala falta ez Sinesmenik, ez, adorerik, ez ausardiarik gure Jesusen nahia betetzeko.

Arimateako Josek eta Nikodemok ezkutuan bisitatzen dute Jesus garai arruntean eta baita garaipen orduan ere.

Baina bihoztunak dira Kristorenganako maitasuna agintarien aurrean ausarki —«audacter»— aitortzean, koldarkeri orduan. —Ikas ezazu.