Puntuen zerrenda

Paradoxa: Santu izatea jakintsu izatea baino eskuragarriagoa da; baina jakintsu izatea, santu izatea baino errazagoa.

Jakintsu izan daitekeenari, ez diogu ez izaterik barkatzen.

Jaungoikoa zure adimenaren bidez zerbitzatu behar baduzu, ikastea betebehar larria da zuretzat.

Liburuak: ez itzazu erosi kristau jakitun eta zentzudunen aholkurik gabe. —Alferrikako gauza bat edo kaltegarri den zerbait eros zenezake.

Zenbatetan uste dute besapean liburu bat daramatela… zabor pila daramatelarik!

Ikas ezazu. —Adorez ikas ezazu. —Gatz eta argi izango bazara, zientzia, gaitasuna behar duzu.

Ala, alfer eta patxadazele izateagatik, jakituria goitik ixuriko zaizula uste al duzu?

Kultura, kultura! —Ederki: inork ez gaitzala irabazi kultura bilatzen eta lortzen.

—Baina, kultura bidea da, ez helburu.

Nola ausartzen zara zure arrazoimena, Jainko adimenaren txinpart hori, zure Jaunaren aintza ez den zerbaitean erabiltzen?