Puntuen zerrenda

Nik esango dizut zein diren gizakiaren altxorrak mundu honetan, alferrik ez ditzazun gal: gose, egarri, bero, hotz, oinaze, desohore, pobretasun, bakardade, iruzur, gezur beltz, kartzela…

Gizaki errukarrien pozak, naturazgaindiko arrazoirik eduki arren, samintasun kutsua uzten du beti. —Zer uste zenuen? —Hemen behean, nahigabea da gure bizitzaren gatza.

Bedeinkatua izan bedi mina. —Maitatua izan bedi mina. —Santutua izan bedi mina… Aintzatua izan bedi mina!

Jesusek Aitaren Nahia betetzearren jasaten du… Eta zuk ere, JaungoikoarenNahi Santua bete nahi duzunez, Maisuaren pausoei jarraituz, kexatu al zintezke, nekea aurkitzen baduzu bidelagun?

Zoriontsu nahi zaitut lurrean. —Ezzara izango, ordea, nahigabeari beldurhori galtzen ez badiozu. «Bidean gabiltzan» bitartean zoriona nahigabean baitago, hain zuzen ere.

Neke horiek —gorputzekoak nahiz arimakoak— garbigarri eta merezimendu direla dakizunez gero, onets itzazu.

Zauri horrek min ematen du. —Baina sendatzen ari da: eutsi zure erabakiei. Eta nahigabea laster bake gozo bihurtuko da.

Ez ahaztu Damua Maitasunaren froga harria dela.

Nekea, destaina…, Gurutzea datorrenean, pentsa ezazu: zer da hau nik merezi dudanaren aldean?

Jasaten duzu… eta ez zenuke kexatu nahi. —Ez dio axolik kexatzen bazara ere —hori baita gure haragi gaixoaren berezko erantzuna—, zure nahimenak, orain eta beti, Jaungoikoak nahi duena nahi duen bitartean.

«Haurtzaro bizitza» baldin baduzu, haur zarenez gero, gozozale izan behar duzu gogo bizitzan. —Oroit zaitez, zure adinekoak bezala, zure Amak gordeta dituen gauza gozoez.

Eta hori egunean sarritan. —Segundu batzuetako kontua besterik ez da… Maria… Jesus… Sagrarioa… Jaunartzea… Maitasuna… nekea… purgatorioko arima bedeinkatuak… borrokatzen ari direnak: Aita Santua, apaizak… fededunak… zure arima… zuretarren arimak… Aingeru Zaindariak… bekatariak…