Puntuen zerrenda

Kristorengan dauzkagu eredu guztiak: Errege, Maitasun eta Jaungoiko baita.

Maita ezazu Andre Maria. Eta Berak lortuko dizu eguneroko borrokan garaile irtetzeko grazia ugaria. —Eta ezertarako ez diote balio izango etsaiari zure barruan bor-bor altxatzen diren gauza gaizto horiek, beraien usain gozoko usteltasunez Kristok berak zure bihotzean ipinitako ideal handi eta agindu bikainak ito nahian. —«Serviam!».

Zaude isilik: ez ahaztu zure ideal hori argitxo piztu berria bezala dela. —Arnasaldi bat aski izan daiteke zure bihotzean itzaltzeko.

Ez zakizkit… ergela izan: egia da torloju txiki baten lana egiten duzula 293 —gehienez— Kristoren enpresa handi horretan.

Baina, ba al dakizu torloju horrek ongi estutzen ez badu edo bere lekutik irtetzen bada, zer ondorio dakarren?: beste zati handiagoak lasaituko dira, edo gurpilak, koskatuta, eroriko.

Lana oztopatu egingo da. —Agian, makina guztia hondatuko.

Zein gauza handia den torloju txiki bat izatea!

Hori —zure ideala, zure deia— …erokeria da. —Eta besteak —zure adiskideak, zure anaiak— eroak…

Ez al duzu noizbait entzun oihu hori zure baitan? —Erantzun ezazu, irmoki, «eroetxe» horretan parte hartzearen ohorea Jaungoikoari eskertzen diozula.

Bizkortu eta zaindu ezazu zugan jaio berria duzun ideal bikain hori. —Begira, lore ugari sortzen dira udaberrian, halere gutxi dira aletzen direnak.

Irmo: hala izan behar duzu. —Besteen edo zerorren ahulaldiek zure iraupena zalantzan jartzen badute, zure idealaren irudi kaskar bat izango dut.

Behin betiko erabaki ezazu.