Puntuen zerrenda

Ez dago ukamenik gabe burutzen den idealik. —Zeure buruari uko egin iezaiozu. —Zein gauza ederra den biktima izatea!

Munduak buru ukamen ikusgarria bakarrik miresten du, ez baitu buru ukamen ezkutu eta isilaren balioa ezagutzen.

Zure esanekotasunak ez du izen hori merezi, zure lanik oparoena bertan behera uzteko prest ez bazaude, agintea duenak horrela erabakiz gero.

Ez zalantzan ibili: Oparia burutuko duen «Fiat» —egin bedi!— bihotzetik ezpainetara ateratzen utz ezazu.

Ba ote dago urre kolorezko garia, usteldu dadin, besagainka lurrera botatzea baino erokeria handiagorik? —Erokeria eskuzabal hori gabe ez legoke uztarik.

Seme: nola gabiltza eskuzabaltasunez?

«Joan zait lehengo berotasuna» idatzi didazu. Zuk ez duzu gogo berotasunez lan egin behar, Maitasunez baizik: eginbeharraz jabetuta, zeure burua ukatuz.