Puntuen zerrenda

Bere bolizko dorrean, bere oskolean sartzen den berekoiaren hala-holako zorion kaxkarra… mundu honetan lortzea, ez da gauza zaila. —Baina berekoiaren zoriona ez da iraunkorra.

Zeruaren karikatura horrengatik galdu behar al duzu Zeruko Zorion azkengabea?

Kosta dela! —Badakit. Baina, aurrera!: inor ez da saritua izango —eta, nolako saria!— adorez borrokatzen duena baizik.

Adoretu zaitez. —Ez al dakizu San Paulok korintoarrei esaten ziena: «bakoitzak, egindako lanaren neurrian hartuko du saria»?

Hau da atea ireki eta Zeruko Erreinuan sartzeko giltza: «qui facit voluntatem Patris mei qui in coelis est, ipse intrabit in regnum coelorum» —nire Aitaren nahia egiten duena…, hori sartuko da!

«In pauca fidelis» —gutxian zintzo— izan zinelako, sar zaitez zure Jaunaren zorionean. —Kristoren hitzak dira. —«In pauca fidelis!…» —Gutxietsiko al dituzu orain gauza txikiak, gordetzen dituztenei zerua agintzen bazaie?