Puntuen zerrenda

Esaneko izan zaitezte, artista baten eskuetan tresnak obeditzen duen moduan —ez dabil galdezka zergatik egiten duen hau edo hori—, gauza on eta Jaungoikoaren aintzarako ez denik ez dizuetela inoiz aginduko ziur izanik.

Esanekotasunak bakerik ematen ez badizu, harroa zara.

Bai negargarria agintzen duenak jarraibide onik ez ematea!… —Baina, bere gaitasunei begira obeditzen al diozu, ala?… Edo San Pauloren «obedite praepositis vestris» —buru egiten dutenei obedi ezazue—, nagikeriaz, zuk honelako zerbait tartekatuta itzultzen al duzu…, buru egiten duenak atsegin zaizkidan bertuteak baldin baditu?

Zure esanekotasunak ez du izen hori merezi, zure lanik oparoena bertan behera uzteko prest ez bazaude, agintea duenak horrela erabakiz gero.

Zure esanekotasuna mutua behar du izan. Mihi hori!