Puntuen zerrenda

Zure jarrera ikusi eta zure solasa entzunik, denek esan ahal dezatela: honek Jesukristoren bizitza irakurtzen du.

Zure zintzotasunaz ez dut zalantzarik. —Badakit Jaungoikoaren aurrean diharduzula. Baina, hau da koxka!: gizabidez neurtzen duten gizonek ikusten dituzte edo ikusi ahal dituzte zure egintzak … Eta jarraibide ona eman behar zaie.

Gaiztoa ez izanik gaizto itxura baldin baduzu, ergela zara. —Eta ergelkeria hori —gaizpide harri— gaiztakeria baino okerragoa da.

Ez al da egia, Jauna, asko pozten zizula gizonkote-haur haren «fintasunak»? Neketsu eta berez nazkagarri den zerbaitean obeditzeak sortzen duen nahasmena sentitzean, ixil-ixilik honela esaten zizun: Jesus, aurpegi ona jar dezadala!

Aurpegi luzeak…, jokabide zakarra…, itxura barregarria…, tankera ezatsegina: horrela bultza nahi dituzu besteak Kristori jarraitzera?