Puntuen zerrenda
Ez esan: pertsona horrek aspertzen nau. —Pentsa ezazu: pertsona horrek santu egiten nau.
Zure bizitzaren naturaz gaindiko zentzua galduz gero, zure karitatea filantropia bihurtuko da; zure garbitasuna, eratasuna; zure hildura, sinplekeria; zure diziplina, zigorra eta zure egintza guztiak, antzu.
Orain kezkatzen zaituen horrek guztiak nolabaiteko garrantzia besterik ez du. —Erabateko garrantzia duena zoriontsu izatea da, salbatzea.
Maitasunez zigortzea: horixe da merezi dutenei jartzen zaien zigorra naturaz gaindiko mailara jasotzeko bidea.
Jaungoikoaren maitasunez, Bera iraintzen baitugu, ordain bezala balio dezala zigorrak: Jaungoikoarengatik lagun hurkoari diogun maitasunez, zigorra inoiz ere ez dadila mendeku izan, sendagai onuragarri baizik.
Apostolutza enpresetan mundu honetako baliabideak (2 + 2 = 4) aintzakotzat hartzea ongi dago —betebehar bat da—, baina ez ahaztu —inoiz!— beste batugai bat kontuan hartu behar duzula, zorionez: Jaungoikoa + 2 + 2…
Ez zaitez triste egon. —Ikuspuntu… «gureagoa» —kristauagoa— izan ezazu gauzei buruz.
Hemengo hau, etengabeko amaitze bat da: hasi baino lehen amaitzen da atse-
gina.
Documento imprimido desde https://escriva.org/eu/book-subject/camino/36021/ (2024-05-05)