Puntuen zerrenda

Haragia zetaz jantzi arren… —Hala esango dizut, arte, zientzia…, baita karitatearen aitzakiaz bere lizunkeria estaltzen duen tentaldiaren aurrean zalantzan ikusten zaitudanean.

Espainiako esaera zahar baten bidez esango dizut: zetaz jantzi arren, haragia beti haragi.

Jakintsu izan daitekeenari, ez diogu ez izaterik barkatzen.

Ikas ezazu. —Adorez ikas ezazu. —Gatz eta argi izango bazara, zientzia, gaitasuna behar duzu.

Ala, alfer eta patxadazele izateagatik, jakituria goitik ixuriko zaizula uste al duzu?

Kultura, kultura! —Ederki: inork ez gaitzala irabazi kultura bilatzen eta lortzen.

—Baina, kultura bidea da, ez helburu.

Zure kultura eraikitzeak bakarrik arduratzen zaitu. —Eta zure arima eraiki beharra dago. —Horrela lan egingo duzu behar bezala, Kristorengatik: Bera munduko Errege izan dadin, giza ekitaldi guztietan, begiak zerurantz zuzenduta, ospez jardun diren pertsonak behar dira; eta ekitaldi horietatik isilean —eta eraginkortasunez— lanbide apostolutzan lan egin dezaketenak.