Puntuen zerrenda

Ez dut mirarien beharrik: Eskrituran azaltzen direnekin nahikoa dut. —Beharrezkoa dut, ordea, zuk zure eginbeharra bete eta graziari erantzutea.

Ez ezazu izan nahi eraikin handiaren urre koloreko haizorratz hura bezala: distira handia izanagatik eta goi-goian egon arren, ez du zer ikusirik eraikinaren sendotasunarekin.

—Zimenduetan lurperatua dagoen harlandu zaharra izango bazina, inork ikusi ezin zaitzakeen lekuan gordeta!: zuri esker ez da eroriko etxea.

Gauza handi asko daude —ez ahaztu— zuk eta nik Jaungoikoak nahi bezala jokatzeari loturik.

Jarrai iezaiozu oraingo eginbeharrakzehazki betetzeari. —Lan hori —apala, monotonoa, txikia— egitez osatutako otoitza da. Eta amesten duzun beste lan horretarako —handia, zabala, sakona— grazia hartzera prestatzen zaituena.

Iñoiz pentsatu al duzu «gutxi askok» osa dezaketen neurrigabeko kopurua?