Puntuen zerrenda

Ordaina: Hauxe da Bizitzara daraman bidezidorra.

A zer beldurra dion jendeak ordainari! Munduaren aurrean itxura ona egiteagatik egiten dutena, asmoa zuzenduz, Jaungoikoagatik egingo balute…, bai santu liratekeela zenbait gizon eta emakume!

Negar egiten duzu? —Ez izan lotsarik. Negar egizu: bai, gizonek ere negar egiten baitute, zuk bezala, bakardadean eta Jaungoikoaren aurrean. —Gauez, dio David Erregeak, nire ohea malkoz bustiko dut.

Malko bizi, gizontsu horien bidez, zure iragana garbi zenezake eta oraingo bizitza naturaz gaindiko bihurtu.

Neke horiek —gorputzekoak nahiz arimakoak— garbigarri eta merezimendu direla dakizunez gero, onets itzazu.

Zure nahimenak eska diezaiela zentzuei ordainaren bidez, beste ahalmenek otoitzean ukatzen diotena.

Nola goresten dugun nekea, espiritu ekonomiaren barruan bere lekua (ordaina) ematen diogunean!

Kristau izateagatik Jaungoikoari zordiodana: zor horrekiko nire erantzunikezak damuz negar eginarazi dit: Maitasun damuz. «Mea culpa!» —Zure zorrak aitortzea ongi dago: baina ez ahaztu nola ordaintzen diren: malkoz… eta egitez.