Puntuen zerrenda

Ez zaitzala atzeman honako ezaugarri hauek dituen izaeraren eritasunak: finkotasunik eza gauza guztietarako, txoriburukeria hitz eta eginetan, burugabekeria…: hitz batez, arinkeria.

Eta eguneroko egitasmo huts horiek («hutsez bete-beteak») egitera bultzatzen zaituen arinkeriak —ez ahaztu—, garaiz ez erreakzionatuz gero —bihar ez: orain!—, zure bizitza txotxongilo hil, gauzaeza bihurtuko du.

Ordu jakinean jaikitzen ez bazara, inoiz ez duzu biziera plana beteko.

Garaitu ezazu egunero zeure burua lehen unetik, puntu-puntuan jaikiz, ordu jakinean, minutu bat ere alferkeriari eman gabe.

Jaungoikoaren laguntzaz zeure buruari uko egiten badiozu, asko aurreratu duzu egun osorako.

Lehenengo borrokaldian garaitua sentitzeak, nola kikiltzen duen!

Minutu heroikoa. —Jaikitzeko orduada, puntu-puntuan. Zalantzarik gabe:naturaz gaindiko gogoeta bat eta… gora! —Minutu heroikoa: hor daukazu zure nahimena sendotu eta gorputza ahultzen ez duen hildura bat.

Ongi joka ezazu «orain», «atzokoaz» oroitu gabe, joana baitago, eta «biharkoaz» kezkatu gabe, ez baitakizu iritsiko ote zaizun.