Puntuen zerrenda

Hori apaltasuna, nire Ama Santa Mariarena! —Ez duzue ikusiko Jerusalengo palmadarren artean, ezta —Kanako lehenengo hartan izan ezik— mirari handien orduan.

—Baina Golgotako ezespenetik ez du ihes egiten: hantxe dago, «juxta crucem Jesu» —Jesusen gurutzearen ondoan, bere Ama.

Mirets ezazu Santa Mariaren sendotasuna: Gurutzearen oinean, giza oinaze zorrotzenak jota —ez dago bere nekearen pareko nekerik—, adorez beterik.

—Eta eskaiozu sendotasun hori, zuk ere Gurutzearen ondoan egoten ikas dezazun.

Sendoagoa da emakumea gizona baino, eta zintzoagoa nekealdian. —Magdalako Maria, Maria Kleofas eta Salome!

Ama Birjina Nahigabetuarekin ongi elkartutako horien antzeko emakume ausart talde batekin, nolako lan ederra egingo litzateke munduan arimen alde!