Puntuen zerrenda

Edan dezagun bizitza errukarri honetan nekearen kalizatik azken tantaraino. —Zer axola dio hamar, hogei, berrogeita hamar urtetan jasateak…, gero zerua betiko…, beti-betiko baldin bada?

—Eta, batez ere —lehen aipatutako arrazoia, «propter retributionem», baino hobeto—, zer axola dio jasateak Jaungoiko gure Jauna poztu eta Berari atsegin ematearren, Berarekin Gurutzean loturik jasanez gero, ordaintzeko asmoz, hitz batean: Maitasunez eramaten badugu?

Ordaina: Hauxe da Bizitzara daraman bidezidorra.

A zer beldurra dion jendeak ordainari! Munduaren aurrean itxura ona egiteagatik egiten dutena, asmoa zuzenduz, Jaungoikoagatik egingo balute…, bai santu liratekeela zenbait gizon eta emakume!

Negar egiten duzu? —Ez izan lotsarik. Negar egizu: bai, gizonek ere negar egiten baitute, zuk bezala, bakardadean eta Jaungoikoaren aurrean. —Gauez, dio David Erregeak, nire ohea malkoz bustiko dut.

Malko bizi, gizontsu horien bidez, zure iragana garbi zenezake eta oraingo bizitza naturaz gaindiko bihurtu.

Zoriontsu nahi zaitut lurrean. —Ezzara izango, ordea, nahigabeari beldurhori galtzen ez badiozu. «Bidean gabiltzan» bitartean zoriona nahigabean baitago, hain zuzen ere.

Zein gauza ederra den Bizitzagatik bizitza galtzea!

Neke horiek —gorputzekoak nahiz arimakoak— garbigarri eta merezimendu direla dakizunez gero, onets itzazu.

Gure borondatez oparo ordainduz gero, Jesusek graziaz beteko gaitu Berak bidalitako ordain aukerak maita ditzagun.

Zure nahimenak eska diezaiela zentzuei ordainaren bidez, beste ahalmenek otoitzean ukatzen diotena.

Nola goresten dugun nekea, espiritu ekonomiaren barruan bere lekua (ordaina) ematen diogunean!

Haur: zure gizon heldu bizitzako neurrigabekeriak ordaindu nahian piztu zaitez.

Gurutzea zure bularrean?… —Ederki. Baina… Gurutzea zure sorbaldan, Gurutzea zure haragian, Gurutzea zure adimenean. —Horrela biziko zara Kristorengatik, Kristorekin eta Kristorengan: horrela bakarrik izango zara apostolu.