Puntuen zerrenda

Sendo izan zaitez. —Gizontsu. —Gizon. —Eta gero… aingeru.

Santu zura. —Horrela diote jende batzuei buruz: santu zura dutela. —Santuak zurezkoak ez izateaz gain, zura edukitzea ez da nahikoa.

Beharrezkoa da Zuzendariari obeditzea eta graziaren eraginari jarraitzea. —Izan ere, Jaungoikoaren graziari eta Zuzendariari beren lana burutzen ez bazaie uzten, inoiz ez da eskulturarik agertuko, Jesusen irudi bihurtzen den gizon santurik.

Eta aipatutako «santu zura», egur itxuragabe, landugabea baizik ez da izango, sutarako… su eder baterako zur ona bazen!

Santuak ez dira izaki itxuragabeak izan; mediku modernista batek aztertu beharko lituzkeen kasuak.

Normalak ziren, eta hala dira: haragizkoak, zu bezala. —Eta garaile irten ziren.

Ez da nahikoa jakintsu izatea, kristauon izateaz gain. —Zure izaera zakarrazuzentzen ez baduzu, zure apostolu grina etazure zientzia heziera onarekin ez badituzu bateratzen, ez dut uste santu izan zintezkeenik. — Eta, jakintsu bazara, izanagatik ere, mandoa bezala, aska bati lotuta egon beharko zenuke.

Santuttoa santuaren aldean, santujalea jainkozalearen aldean bezala da: haren karikatura.

Ez dezagun uste ezer balioko digutenik gure itxurazko santu bertuteak, kristau bertute arruntekin batera ez badoaz.

—Hori, barruko arropa hutsen gainean bitxi bikainez apaintzea litzateke.

Haurtzaro bidea. —Utziera. —Gogo haurtzaroa. —Hori guztia ez da txotxolokeria, kristau bizitza sendo eta kementsua baizik.

«Haur on» deitzen zaitudanean, ez pentsa uzkur eta gutxitua ikusten zaitudanik. —Gizontsu eta… normala ez bazara, apostolu izan beharrean, barregura sorrarazten duen karikatura izango zara.

Zuen otoitza gizontsua izan dadila. —Haur izatea ez da emagizon izatea.

Zurekin harremanak dituenak, ezin dezala zutaz esan beste pertsona hark nahiko zentzu onez oihuka zioena: «Gizon zintzoz honeraino nago…». Eta buru gaina ukitzen zuen.