Puntuen zerrenda

Ohitu zaitez egunero zure bihotzaJaungoikoarengana askotan altxatzen,eskerrak emanez. —Hau eta hori ematen dizuako. —Arbuiatu zaituztelako. —Behar duzuna ez daukazulako edo badaukazulako.

Bere Ama, zure ama ere dena, hain ederra egin zuelako. —Eguzkia eta Ilargia egin zituelako, eta animalia hura, eta beste landare hura ere bai. —Gizon hura hiztun jori egin zuelako eta zu, berriz, urri…

Denagatik emazkiozu eskerrak, dena ona baita.

Utziozu zure bihotzari Maitasun eta eskerroneko samurtasuna isurtzen, etsaiak ezarritako korapiloetatik Jaungoikoaren graziak egunero nola askatzen zaituen ikusirik.

O, Ama, Ama!: zure hitz honen bidez —«fiat»—, Jaungoikoaren senide eta haren aintzaren oinordeko egin gaituzu. —Bedeinkatua Zu!

Gauzak ongi ateratzen bazaizkigu, poztu gaitezen Jaungoikoa onetsiz, Berak jartzen baitu gehigarria. —Gaizki ateratzen direla? —Poztu gaitezen, Jaungoikoa onetsiz bere Gurutze gozoan parte harrarazten digulako.

Ez zalantzarik izan: zure deia Jaunak egin ahal izan dizun graziarik bikainena da. —Eskerrak emazkiozu.