Puntuen zerrenda

Zoriontsu nahi zaitut lurrean. —Ezzara izango, ordea, nahigabeari beldurhori galtzen ez badiozu. «Bidean gabiltzan» bitartean zoriona nahigabean baitago, hain zuzen ere.

Ez al da egia, Jauna, asko pozten zizula gizonkote-haur haren «fintasunak»? Neketsu eta berez nazkagarri den zerbaitean obeditzeak sortzen duen nahasmena sentitzean, ixil-ixilik honela esaten zizun: Jesus, aurpegi ona jar dezadala!

Gauzak ongi ateratzen bazaizkigu, poztu gaitezen Jaungoikoa onetsiz, Berak jartzen baitu gehigarria. —Gaizki ateratzen direla? —Poztu gaitezen, Jaungoikoa onetsiz bere Gurutze gozoan parte harrarazten digulako.

Ez galdu inoiz adorerik, apostolu bazara. —Ez dago garaitu ezin dezakezun eragozpenik.

—Zergatik zaude triste?

Jesus… isilik. —«Jesus autem tacebat». —Zergatik hitz egiten duzu zuk, atsegin hartzeko edo bihotza zabaltzeko?

Isil zaitez. —Bila ezazu ezespenetan poza: merezi baino gutxiago egingo dizkizute beti.

—Galde al zenezake zuk, agian: «Quid enim mali feci?» —okerrik egin al dut nik?

Zaude ziur Jainko gizon zarela, alai eta isilik badaramazu bidegabekeria.

Amets… labur den hemengo bizitza honetan jasan egiten duzu… —Poztu zaitez: zure Aita Jaungoikoak asko maite zaituelako, eta, oztoporik jartzen ez baduzu, amets gaizto honen ondoren esnatze on bat emango dizu.

Jaungoikoaren Nahia erabat onartzeak poza eta bakea dakartza nahitaez: zoriona Gurutzean. —Orduan ikusten da Kristoren uztarria leuna dela eta bere zama arina.