Puntuen zerrenda

Azter ezazu zeure burua: poliki, ausarki. —Zure umore txar eta zure tristuraarrazoigabeak —itxuraz arrazoigabeak— ezote datoz zure irritsak —maltzurki, aringarrienbidez— ezarri dizkizun lotura mehe, baina «zehatz» horiek hausteko erabakirik hartzen ez duzulako?

Nahi al duzu «zure bideaz» pentsatzen dudan guztia esatea? —Hara, bada: deiari erantzuten badiozu, Kristogatik gehien lan egiten duenak adina lan egingo duzula: eta otoitz arima bihurtzen bazara, lehen aipatu dizudan erantzuna eman eta lanik gogorrenak bilatuko dituzula zeure burua ukatzeko irrikaz…

Eta zoriontsu izango zara hemen, eta oraindik zoriontsuago gero, Bizitzan.

Zuk idatzi didazunatik kopiatzen dut: «Nire poza eta nire bakea. Inoiz ezingo dut egiazko alaitasunik izan bakerik ez badut. Eta, zer da bakea? Borrokarekin zerikusi estua duen zerbait da bakea. Bakea garaipenaren ondorioa da. Bakeak etengabeko borroka eskatzen dit. Borrokarik gabe ezingo dut bakerik izan».

Nahigabea bihotz-uzkurturik hartzen baduzu, alaitasuna eta bakea galtzen dituzu eta estuasun hartatik onura espiritualik gabe ateratzeko zorian jartzen zara.

Bisita bat monasterio famatuari. —Eraikin haren pobretasuna ikustean, andre atzerritar haren bihotza errukitu egin zen: «Oso bizitza gogorra daramazue, ezta?» Eta fraideak, pozik, ez zuen hau besterik esan: «Zuk nahi izan zenuen, fraide; zuk nahi izan zenuen eta hor duzu».

Gizon santu hari alaiki esaten entzun niona, zuri penaz esan behar dizut, zoriontsu ez zarela esaten didazunean.

Zure adiskide horretaz esaten didazu,sakramentuak maiz hartzen dituela, bizitza garbikoa dela, eta ikasle ona. —Baina ezomen da «egokitzen»: buru ukamenaz eta apostolutzaz hitz egiten badiozu, tristatu eta joan egiten zaizu.

Ez zaitez kezkatu. —Ez da zure apostolu grinaren porrota: Ebanjelariak kontatzen duen gertaera da, hitzez hitz: «guztiz ona izan nahi baduzu, zoaz, saldu zeure ondasunak eta eman behartsuei» (ukamena)… «gero, zatoz eta jarraitu niri» (apostolutza).

Gazteak ere «abiit tristis» —goibeldurik alde egin zuen: ez zion graziari erantzun nahi izan.

Eskerrak eman Jaungoikoari, Berak lagundu baitzizun, eta zure garaipenaz poztu zaitez. —Bai sakona, zure arimak sentitzen duen poza, erantzun ondoren!