Puntuen zerrenda

Ba al dakizu pertsona hark arriskuan daukala arima? —Urrundik, zure batasun bizitzaren bitartez, laguntza bikaina izan zaitezke berarentzat. —Tira, ba! eta ez zaitez larritu.

Bizi ezazue Santuen Elkartasun berezi bat: eta zuetako bakoitzak, barne-borroka nola lan profesionalaren orduan, bakarrik ez egotearen poza eta indarra sentituko du.

Santuen Elkartasuna sentitzen baduzu —bizitzen baduzu—, penitentzia gogoko duen arima izango zara. —Eta penitentzia «gaudium, etsi laboriosum» —poza, nahiz eta neketsua— dela ulertuko duzu: eta izan diren, orain diren eta izango diren arima penitentziagile guztien «elkarkide» sentituko zara.

Ozeanoko burrunba olatu bakoitzaren hotsez osatua dagoen bezala, zuen apostolutzaren santutasuna ere zuetariko bakoitzaren bertuteez osatua dago.