Puntuen zerrenda

Izan behar duzun poza, ez da fisiologikoa deitu genezakeen hori, animaliaosasuntsuarena, baizik eta dena, eta zeu ere, gure Aita Jaungoikoaren beso maitagarrietan jartzeak dakarkigun naturaz gaindiko beste hori.

«Gaudium cum pace» hori —poza eta bakea— utzieraren fruitu ziur eta gozoa da.

Haur: utzierak malgutasuna eskatzen du.

Arima txiki baten paradoxak. —Jesusek, munduak ontzat hartzen dituen gertaerak bidaltzen dizkizunean, negar egin ezazu zeure bihotzean, haren bihotz ona eta zure gaiztakeria gogoratuz: Jesusek, jendeak txartzat hartzen dituen gertaerak bidaltzen dizkizunean, poztu dadila zure bihotza, Berak komeni zaizuna ematen baitizu beti, eta orduan Gurutzea maitatzeko garai egokia da.

Zure ahulaldiek larritzen zaituztenean, ez zaitez atsekabetu. —Zure gaitzetan harrotu zaitez, San Paulo bezala, haurrei zilegi baitzaie, barregarri geratzeko bildurrik gabe, handiak imitatzea.