Puntuen zerrenda

Ez dadila antzu izan zure bizitza. —Onuragarri izan zaitez. —Uztazu arrastoa. —Zure fedearen eta maitasunaren argiaz argi ezazu.

Zure apostolu bizitzaz, gorrotoaren ereile lizunek utzitako arrasto itsaskor zikina garbi ezazu. —Eta munduko bide guztiak piztu bihotzean daramazun Kristoren suaz.

Gero eta indar gutxiago duzula? —Zergatik ez diozu zure Amari esaten: «consolatrix afflictorum, auxilium christianorum…, Spes nostra, Regina apostolorum»?

Etsi?… Onartu?… Jaungoikoaren Borondatea nahi izan!

Arrazoiak?… Nolako arrazoiak eman ote zizkion Ignazio gaixoak Xabier jakintsuari?

Nahigabeturik, esaten zenidan: bide asko daude! —Horrela izan behar du: aniztasun miragarri horretan arima bakoitzak berea aurki dezan.

Nahastea? —Aukera ezazu behin betiko: eta nahastea ziurtasun bihurtuko da.

Bidetik aldendu zinen eta, lotsez, ez zinen itzultzen. —Bidezkoago zatekeen ez itzultzeak lotsaraztea.