Puntuen zerrenda

Zurezko Gurutze pobre bat ikusten duzunean, soila, zirtzila, baliorik gabekoa… eta Gurutziltzaturik gabe, ez ahaztu Gurutze hori zure Gurutzea dela: egunerokoa, isilekoa, dirdira eta atseginik gabekoa…, falta duen Gurutziltzatuaren zain dagoena: eta Gurutziltzatu hori zu izan behar zara.

Milaka ikusle harrituen aurrean beren burua gurutziltzatzen utziko luketen zenbat eta zenbatek ez dakite, ordea, eguneroko ziztadak kristau eran eramaten! —Pentsa ezazu, orduan, zer ote den heroikoago.

Jesusek Aitaren Nahia betetzearren jasaten du… Eta zuk ere, JaungoikoarenNahi Santua bete nahi duzunez, Maisuaren pausoei jarraituz, kexatu al zintezke, nekea aurkitzen baduzu bidelagun?

Nola goresten dugun nekea, espiritu ekonomiaren barruan bere lekua (ordaina) ematen diogunean!

Galdetzen didazu: zergatik zurezkoGurutze hori? —Eta eskutitz batetikkopiatzen dut: «Mikroskopiotik begiak altxatzean, Gurutze beltz eta hutsa topatzen dut. Gurutziltzaturik gabeko Gurutze hori ikur bat da.Badu besteek aurkituko ez dioten esanahirik. Eta, nekaturik, bere eginbeharra bertan behera uzteko zorian zegoen hark, begiak okularrera berriro hurbilduz, lanean jarraitzen du: zeren Gurutze bakartia, bera gainean hartuko duen bizkar baten eske baitago».

Zure Gurutzea. —Kristau zarenez, beti eraman behar zenuke zurekin zure Gurutzea. Eta lanean, mahai gainean ipini. Eta musu eman lotara joan aurretik eta esnatzean: eta zure arimaren aurka zure gorputz gaixoa altxatzen denean, musu emaiozu ere.

Nekea, destaina…, Gurutzea datorrenean, pentsa ezazu: zer da hau nik merezi dudanaren aldean?

Gurutzea, lanak, nahigabeak: bizi zaren bitartean izango dituzu. —Kristo bide horretatik ibili zen eta ez da ikaslea Maisua baino gehiago.

Bisita bat monasterio famatuari. —Eraikin haren pobretasuna ikustean, andre atzerritar haren bihotza errukitu egin zen: «Oso bizitza gogorra daramazue, ezta?» Eta fraideak, pozik, ez zuen hau besterik esan: «Zuk nahi izan zenuen, fraide; zuk nahi izan zenuen eta hor duzu».

Gizon santu hari alaiki esaten entzun niona, zuri penaz esan behar dizut, zoriontsu ez zarela esaten didazunean.

Jasaten duzu… eta ez zenuke kexatu nahi. —Ez dio axolik kexatzen bazara ere —hori baita gure haragi gaixoaren berezko erantzuna—, zure nahimenak, orain eta beti, Jaungoikoak nahi duena nahi duen bitartean.