Puntuen zerrenda

Barre egiten duzu «ezkontzarako goi-deia» duzula esaten dizudalako? —Horixe duzu, ba: goi-deia.

Gomenda zakizkio San Rafaeli, Tobiasen antzera garbitasunez gida zaitzan bide bururaino.

Sekretu bat. —Sekretu bat oihuka: munduaren krisi hauek, santuen krisiak dira.

—Jaungoikoak, «berea» duen eskukada bat gizon-emakume nahi du giza jarduera bakoitzean. —Gero… «pax Christi in regno Christi» —Kristoren bakea Kristoren erreinuan.

Nola barre egiten zenuen, jatorki, zure

gaztaroko urteak San Rafaelen babespean jartzeko aholkatu nizunean!: ezkontza santu batera eraman zaitzan, Tobias gaztea bezala, emakume on, eder eta aberats batekin —esan nizun, txantxetan.

Eta gero, bai pentsakor geratu zinela!, Joan apostolu gaztearen babespean ere jarri zintezela esaten jarraitu nuenean: badaezpada ere, Jaunak gehiago eskatzen bazizun.

Oraindik ere entzuten da munduan deadar jainkotiar hura: «Lurrean sua jartzera etorri naiz, eta nahiago nuke dagoeneko biztua balego!» —Eta ikusten duzu: ia dena itzalita dago…

Ez al duzu sua zabaltzeko adorerik?

«Zoazte, bada, hots egin Berri Ona… Ni zeuekin izango nauzue…» —Hori esan du Jesusek… eta zuri esan dizu.