Puntuen zerrenda

Maria txit Santua, Jaungoikoaren Ama, ez zen nabarmendu bere herriko

beste andreen artean.

—Ikas ezazu Berarengandik «naturaltasunez» bizitzen.

Ama Birjina Nahigabetua. Begiratzen diozunean, ikus ezazu bere Bihotza: bi seme aurrez aurre dituen Ama da: Hura… eta zu.

Hori apaltasuna, nire Ama Santa Mariarena! —Ez duzue ikusiko Jerusalengo palmadarren artean, ezta —Kanako lehenengo hartan izan ezik— mirari handien orduan.

—Baina Golgotako ezespenetik ez du ihes egiten: hantxe dago, «juxta crucem Jesu» —Jesusen gurutzearen ondoan, bere Ama.

Mirets ezazu Santa Mariaren sendotasuna: Gurutzearen oinean, giza oinaze zorrotzenak jota —ez dago bere nekearen pareko nekerik—, adorez beterik.

—Eta eskaiozu sendotasun hori, zuk ere Gurutzearen ondoan egoten ikas dezazun.

Maria, ukamen isil eta ezkutuaren Irakasle!

—Ikus ezazue, ezkutuan ia beti, bere Semeari laguntzen: jakin badaki eta isilik dago.