Puntuen zerrenda

Jakintsu…, buruzagi…, ausarta izateko… gogo bizian zaude.

Ederki, ederki. —Baina… Kristogatik, Maitasunagatik.

Jaungoikoa maitatu eta Apaizari begirunerik izan ez… ezin daiteke.

Biziera plan bati, ordutegi bati lotzea —esan zenidan—, zein aspergarria den! Eta erantzun nizun: Maitasuna falta delako da aspergarri.

Barre eginarazi dit zure… itxaron ezineko otoitzak. —«Ez dut zahartu nahi, Jesus… —esaten zenion—, Zu ikusteko gehiegi itxarotea da! Orduan, agian, ez dut bihotza haragi bizitan izango, orain bezala. Zahartzaroan, berandu deritzot. Orain, Zurekin bat egite hori bikainagoa litzateke, Maitasun gazte eta garbiz maite baitzaitut».

Maitasunak… maitasun bat merezi du, benetan!

Zuk ikusten duzun Kristo hori, ez da Jesus. —Zure begi lausoek izan dezaketen irudi tristea izango da, gehienez… —Garbi zaitez. Argitu itzazu zure begiak apaltasun eta penitentziaren bidez. Gero… ez zaizu Maitasunaren argi garbirik faltako. Eta ikusmen ezin hobea izango da zurea. Zure irudia Berarena izango da benetan: Bera!

Ongi jokatu duzu…, hain sakon erori bazara ere. —Ongi jokatu duzu, beheratu zinelako, zuzendu duzulako eta itxaropenez bete zarelako, eta itxaropenak Maitasunarengana erakarri zintuen berriro. —Ez zaitez gelditu aho zabalik; ongi jokatu duzu! —Lurretik jaiki zinen: «surge», ahots indartsua berriro entzun zen, «et ambula»: orain, lanera!

Gal ezazu Jaunari bere izenez —Jesus— deitzeko beldurra eta maite duzula esateko.

Zuk badakizu badaudela «aholku ebanjelikoak». Maitasun fina adieraz ten du aholku horiek betetzeak. —Bide hori gutxirena dela esan ohi dute. —Batzuetan pentsatzen dut askorena izan litekeela.

Ez ardurarik izan besteekin bat eginik diharduzula esaten badizute. Zer nahi dute? Urtzen den tresna izatea, eskuetan hartzeko orduan desegiten dena?

Ez eskatu bakarmena Jesusi zure erruengatik bakarrik: ez ezazu maita zure bihotzez bakarrik…

Egin dizkioten, egiten dizkioten eta egingo dizkioten irain guztiak ordain iezazkiozu…, gehienik maite izan duten gizon-emakume guztien bihotzen indar guztiz maita ezazu.

Ausarta izan zaitez: esaiozu Berarengatik Magdalako Maria, Teresa eta Teresatxo… baino zoratuago zaudela; burutik jota zaudela Agustin, Domingo eta Frantzisko, Ignazio eta Xabier baino gehiago ere.

Zure Maitasun sua ez dadila argitxa

kur izan. —Amets huts, sasi su, ukitzen duena gar bihurtzen ez duena eta berotzen ere ez duena.

«Timor Domini sanctus». —Jaungoikoaren beldurra santua da. —Semeak aitari dion begirune beldurra, inoiz ere ez morroi beldurra, zure Aita Jaungoikoa ez baita zapaltzaile.

Maitasun damua. —Bera ona delako. —Zure Adiskidea delako, zuregatik bere Bizitza eman zuena. —Daukazun on guztia berea delako. —Hainbeste iraindu duzulako… Barkatu dizulako… Berak!… zuri!!

—Negar egin ezazu, seme, Maitasun damuz.

Gizakiren bat hil izan balitz ni heriotzatik askatzearren!…

—Jaungoikoa hil zen. Eta axolagabe gelditzen naiz.

Zoroa! —Ikusi zintudan —gotzain kaperan bakarrik zinela uste zenuen—kaliza eta patena sagaratu berriei musu banaematen: Berak, lehenengo aldiz eukaristi ontzihorietara «jaisten» denean, hantxe aurki ditzan.

Ez ahaztu Damua Maitasunaren froga harria dela.

Bihotz zuzena eta borondate ona: bi gauza hauek izanik eta Jaungoikoaren nahia betetzeari begira zaudela, zure Maitasun ametsak beteta eta zure arimekiko egarria ase ikusiko dituzu.

Pozik beteko zuten beren lana Aingeru Zaindari Santuek hau esaten zien arima haren alde: «Aingeru Zaindariak, Kantarik Ederrenako Emazteak bezala dei egiten dizuet nik, “ut nuntietis ei quia amore langueo” —Maitasunez hil zorian nagoela Berari esan diezaiozuen».

Haragi bizitan. —Horrela sentitzen zara. Denak min ematen dizu, ahalmenetan eta zentzuetan. Eta dena tentagarri bihurtzen zaizu…

Apal izan zaitez —berriro esaten dizut—: ikusiko duzu zein azkar ateratzen zaituzten egoera horretatik: eta mina poz bihurtuko zaizu: eta tentaldia sendotasun tinko.

Baina, bitartean, bizkortu ezazu zure sinesmena; itxaropenez bete zaitez; eta egin itzazu Maitasun egintzak etengabe, ahozkoak soilik direla pentsatu arren.

«Heroi» gisan hiltzeaz hitz egiten ari zatzait. —Ez al duzu uste «heroikoagoa» dela, inor ohartu gabe, ohe eder batean, burges baten antzera…, baina Maitasunez hiltzea?

Ez zaitzala inongo maitasunek munduari lotu, Kristori aintza emateko gogo jainkozkoak salbu, eta Haren bidez, Harekin eta Harengan, Aitari eta Espiritu Santuari.

Esaiozu… horri, Jesukristo gauza guztien gainetik maite duten berrogeita hamar gizon behar ditudala.

Batzuetan haurkeria txikiak egiteko joera sentitzen dugu. —Jaungoikoaren aurrean egintza txiki zoragarriak dira eta, ohikeriaz egiten ez ditugun bitartean, benetan emankorrak izango dira egintza horiek, Maitasuna beti emankorra den bezala.