Puntuen zerrenda

Maita ezazu Andre Maria. Eta Berak lortuko dizu eguneroko borrokan garaile irtetzeko grazia ugaria. —Eta ezertarako ez diote balio izango etsaiari zure barruan bor-bor altxatzen diren gauza gaizto horiek, beraien usain gozoko usteltasunez Kristok berak zure bihotzean ipinitako ideal handi eta agindu bikainak ito nahian. —«Serviam!».

Jesusengana beti Mariaren bidez joan eta «itzuli» ohi da.

Zure bizitzako bekatu guztiak zutik jartzen direla dirudi. —Ez galdu zure uste ona. —Aldiz, dei egiozu zure Ama Santa Mariari, haurrek ohi duten sinesmen eta uste osoz. Berak ekarriko dio sosegua zure arimari.

Mariaren bakardadea. Bakarrik! —Negarrez, inoren babesik gabe.

—Zuk eta nik Andre Maria lagundu behar dugu, eta berarekin negar egin: gure hobenak josi baitzuten Jesus, iltzez, gurutzean.

Ama Birjina Nahigabetua. Begiratzen diozunean, ikus ezazu bere Bihotza: bi seme aurrez aurre dituen Ama da: Hura… eta zu.

Ama! —Ozenki dei iezaiozu. —Entzuten dizu, agian arriskuan ikusten zaitu eta, bere Semearen graziaren bidez, zure Ama Santa Mariak bere magalaren atsegina eta bere laztanen xamurtasuna eskaintzen dizu: eta indarberritua aurkituko zara borroka berri baterako.