Puntuen zerrenda

Ez dago munduan gauza hoberik Jaungoikoaren grazian bizitzea baino.

Bekatu guztiak —esan didazu—, lehenengo astialdiari itxaroten ari direla dirudi. Astialdia bera bekatu izan behar da!

—Kristorengatik lanari ekiten dionak ez du une hutsik izan behar, atsedena ez baita ezer ez egitea: ahalegin gutxiago eskatzen duten ekintzetan aritzea baizik.

«Timor Domini sanctus». —Jaungoikoaren beldurra santua da. —Semeak aitari dion begirune beldurra, inoiz ere ez morroi beldurra, zure Aita Jaungoikoa ez baita zapaltzaile.

Gizakiren bat hil izan balitz ni heriotzatik askatzearren!…

—Jaungoikoa hil zen. Eta axolagabe gelditzen naiz.

«Oraintxe da zuen ordua, ilunbearen nagusialdia». Beraz, bekatariak ba al du bere ordurik? —Bai…, eta Jaungoikoak bere betikotasuna!

Badago infernurik. —Gauza jakina iruditzen zaizu zuri baieztapen hau. —Berriro esango dizut: badago infernurik!

Oihartzun egidazu, egokiro, lagun haren… eta beste haren belarrira.