Puntuen zerrenda

Porrot egin duzula? —Zuk —ongi dakizu— ezin duzu porrotik egin.

Ez duzu porrot egin: esperientzia lortu duzu. —Aurrera!

Xaloegia zara. —Gutxi direla karitatea bizi dutenak! —Karitatea izatea ez dela arropa zaharra edo kobrezko txanponak ematea…

—Eta zuri gertatutakoagatik ilusioa galduta zaudela kontatzen didazu.

—Hauxe bakarrik datorkit burura: eman dezagun zuk eta nik zuhurkeriarik gabe, eta geure burua ere eman dezagun. Eta ezagutzen gaituztenek ez dute zure esperientzia txarra izango.

Mihiak askatu dira eta erdeinuak jasan dituzu, are eta mingarriagoak itxaroten ez zenituelako.

Zure naturaz gaindiko erreakzioa barkatzea izan behar da —baita barkamena eskatzea ere— eta, esperientzia honi esker, gizakiengandik bihotza askatzea.

Urduri zaude. —Begira: zure barne-bizitzan edo zure inguruan edozer gauza gertatuta ere, ez ahaztu gertaeren edo pertsonen garrantzia ez dela hainbesterainokoa. —Lasaitu zaitez: denbora pasatzen utzi; eta 253 gero, gertakizunak eta jendea urrundik eta hotzean ikustean, ikuspegi zabalagoa lortuko duzu, eta gauza bakoitza dagokion lekuan eta neurrian jarriko.

Horrela eginez gero, zintzoago izango zara eta buruhauste asko alde batera utziko dituzu.

Esperientzia gogorra izan da: ez ahaztu ikasbidea. —Zure oraingo koldarkeria handiak —argi dago— zure eguneroko koldarkeria txikien besotik doaz.

«Ezin izan duzu» gauza handietan garaile irten, txikietan garaitu «nahi izan ez zenuelako».