Puntuen zerrenda

Maria txit Santua, Jaungoikoaren Ama, ez zen nabarmendu bere herriko

beste andreen artean.

—Ikas ezazu Berarengandik «naturaltasunez» bizitzen.

Hori apaltasuna, nire Ama Santa Mariarena! —Ez duzue ikusiko Jerusalengo palmadarren artean, ezta —Kanako lehenengo hartan izan ezik— mirari handien orduan.

—Baina Golgotako ezespenetik ez du ihes egiten: hantxe dago, «juxta crucem Jesu» —Jesusen gurutzearen ondoan, bere Ama.

Maria, ukamen isil eta ezkutuaren Irakasle!

—Ikus ezazue, ezkutuan ia beti, bere Semeari laguntzen: jakin badaki eta isilik dago.

Ikusten al duzue zein xaloki? —«Ecce ancilla!…» —Eta Hitza haragi egin zen.

—Horrela jokatu zuten santuek: ikuskizunik eskaini gabe. Izan bazen, berak nahi gabe izan zen.

Bai diskrezio jarraibide ona ematen digun Jaungoikoaren Amak! San Joseri ere ez dio misterioaren berri ematen.

—Eskaiozu Andre Mariari falta zaizun diskrezioa.