Puntuen zerrenda

Satanasen «non serviam» hura emankorregia izan da. —Ez al duzu sentitzen zure baitan errebelatze oihu hura baino emankorragoa izan daitekeen «serviam» —zerbitzatuko zaitut, leial izango natzaizu!—, egunero otoitzez eta egitez esateko gogo bizia?

Oihu hau —«serviam!»— Jaungoikoaren Eliza zintzo-zintzo «zerbitzatzeko» borondatea da, baita ondasuna, ohorea eta bizitza kostata ere.

Maitasunez egin ezazue dena. —Horrela ez dago gauza txikirik: dena da handi. —Gauza txikietan Maitasunez irautea heroismoa da.

«Joan zait lehengo berotasuna» idatzi didazu. Zuk ez duzu gogo berotasunez lan egin behar, Maitasunez baizik: eginbeharraz jabetuta, zeure burua ukatuz.

Zein den iraupenaren sekretua?

Maitasuna. —Maitemindu zaitez eta ez duzu «Bera» utziko.