Puntuen zerrenda

Hauek dira arima hildurazalearen fruitu gozoak: bihozberatasuna eta moldagarri izatea lagun hurkoaren ahulaldiekiko; eta zorrotza norberarekiko.

Jesukristoren maitasunak amore emate… zintzoetara bultza egingo zaitu askotan. —Eta Jesukristoren maitasunak askotan bultzatuko zaitu ere amorerik ez emate… zintzoetara.

Dotrinan eta jokaeran ez zaitez amore emaile izan. —Baina modu bigunean joka ezazu. —Altzairuzko mazo indartsua, azal barrubigunean bildua.

—Ez zaitez amore emaile izan, baina ezta ere burugogor.

Ez dezagun epaitu nahi. —Bakoitzak bere ikuspuntutik begiratzen ditu gauzak… eta ia beti bere adimen laburrez, eta, maiz, beroaldiak ilundutako begi lausoez.

Gainera, pintore modernista horiena bezala, oso subjektiboa eta gaixotia da pertsona batzuen ikuspegia: nolanahiko zirriborro batzuk egin eta gero, gure erretratua, gure jokaera dela ziurtatzen digute.

Zein gutxi balio duten gizakien iritziak! —Ez ezazue epaitu zuen iritzia otoitzean bahetu gabe.

Ahalegindu zaitez, beharrezkoa bada, iraintzen zaituztenei beti barkatzen, lehenengo unetik, zeren eta zuri egindako kalte edo iraina handia izan arren, gehiago barkatu baitizu zuri Jaungoikoak.

Ez epaitu bi alderdiak entzun gabe. —Beren burua elizkoitzat dutenek ere, erraz ahazten dute zuhurtasunaren oinarrizko arau hau.

Ba al dakizu nolako kaltea egin dezakezun harri bat urrutira botatzean, begiak bendatuak izanez gero?

—Era berean, ez dakizu nolako kaltea egin dezakezun, kalte larria batzuetan, marmar hitzak botatzean, zuri arin-arinak iruditu arren, begiak axolagabekeriaz edo beroaldiaz bendaturik dituzulako.

Kritikatzea, haustea, ez da gauza zaila: igeltsero peoiak ere badaki bere erreminta sartzen katedraleko harri bikain eta ederra urratzeko.

—Eraikitzea: horixe da maisuak eskatzen dituen lana.

Nor zara zu buru egiten duenak ongijokatu duen epaitzeko? —Ez al duzuikusten hark zuk baino datu gehiago dituela bere iritzia osatzeko: esperientzia handiagoa, aholkulari zuzenagoak, jakintsuagoak eta neurritsuagoak: eta, batez ere, grazia gehiago duela, grazia berezia, Jaungoikoaren argi eta laguntza bikaina den bizibide grazia?

«Ematean» baino gehiago, karitatea «ulertzean» datza. —Horregatik, bila ezazu aitzakiaren bat —beti izaten dira— zure lagun hurkoaren alde, epaitzera behartua bazaude.

Poztu zaitez, beste batzuk apostolutza onetan lan egiten dutela ikusten baduzu. —Eta eska ezazu haientzat Jaungoikoaren grazia ugaria eta graziarekiko erantzuna.

Gero zu, zure bidera: ziur egon zaitez ez duzula besterik.

Espiritu okerra da zurea besteek, zurelana aintzakotzat hartu gabe, Kristorengatik lan egiten dutelako mintzen bazara. —Oroit zaitez San Markosen pasarte honetaz: «Maisu: gizon bat ikusi dugu zure izenean deabruak botatzen, eta galarazi egin diogu, ez baita gure taldekoa. Ez dago galarazi beharrik, erantzun zien Jesusek, ez baitago inor, nire izenean mirariak egin eta nitaz gaizkiesaka ibiliko denik. Hau da, zuen kontra ez dagoena, zuen alde dago».