Puntuen zerrenda

Zenbat baliabide santu dituen pobretasunak! —Oroitzen al zara? Apostolutza lan hura diru estualdi batean zegoela, zenuen azkeneko sosa ere eman zenion.

—Eta hark—Jaungoikoaren Apaiz— honela 229 esan zizun: «nik ere daukadan guztia emango dizut». —Zu, belauniko. Eta… «Jaungoiko Ahalguztidunaren, Aitaren, Semearen eta Espiritu Santuaren onespena zugana jaitsi eta iraun beza beti», entzun zen.

—Oraindik ere, ongi ordainduta gelditu zinelako ustean zaude.

Egiazko bertutea ez da tristea eta ezatsegina, maitagarria eta alaia baizik.

Izan behar duzun poza, ez da fisiologikoa deitu genezakeen hori, animaliaosasuntsuarena, baizik eta dena, eta zeu ere, gure Aita Jaungoikoaren beso maitagarrietan jartzeak dakarkigun naturaz gaindiko beste hori.

Ez dago alaitasunik? —Pentsa ezazu: oztoporen bat dago Jaungoikoaren eta nire artean. —Ia beti asmatuko duzu.

Beti pozik nahi zaitut, alaitasuna zure bidearen osagaia baita. —Eska ezazu naturaz gaindiko alaitasun hori bera denontzat.